சென்னை-28’, ‘சரோஜா’, ‘கோவா’, ‘மங்காத்தா’ உள்ளிட்ட பல படங்களில் நடித்தவர் பிரேம்ஜி. இவர் பிரபல இசையமைப்பாளர் கங்கை அமரனின் மகன். இயக்குனர் வெங்கட் பிரபுவின் சகோதரனும் ஆவார்.
பிரேம்ஜி நடிகர் மட்டுமல்லாமல், பின்னணி பாடகர், இசையமைப்பாளர் என பல பரிமானங்களில் சிறந்து விளங்கிக் கொண்டிருக்கிறார்.
பிரேம்ஜி தற்போது ‘மாங்கா’ என்னும் படத்தில் இரட்டை வேடத்தில் நடித்து வருகிறார். முழுநீள நகைச்சுவை படமாக உருவாகிவரும் இப்படத்தில் விஞ்ஞானியாக ஒரு வேடத்திலும், பாகவதராக மற்றொரு வேடத்திலும் பிரேம்ஜி நடித்து வருகிறார். இன்று இவர் ‘மாங்கா’ படக்குழுவினருடன் பிறந்தநாள் கொண்டாடினார்.
மேலும் தனது டுவிட்டர் பக்கத்தில் ‘மாங்கா’ படத்தின் பாடல் காட்சிக்காக இன்று இரவு கேரளா செல்லுவதாகவும், தனது பிறந்த நாளில் முதன்முறையாக வேலை செய்ததாகவும் குறிப்பிட்டுள்ளார்.
0 comments:
Post a Comment