ராஜேஷ் சமீபத்தில் இயக்கிய ஆல் இன் ஆல் அழகுராஜாவின் ரிசல்ட் ரசிகர்கள் அறிந்ததே. தொடர்ந்து மாபெரும் வெற்ரிகள் கொடுத்த ராஜேஷுக்கு அழகுராஜாவால் ஏமாற்றம் மிகுந்த மனக்கஷ்டத்தை கொடுத்ததுடன், அவரது அடுத்த திரைப்படத்தை உடனே துவங்கும் தெம்பையும் அளித்திருக்கிறது.
ராஜேஷின் அடுத்த படத்தை பற்றி அறிந்துகொள்வதற்கு முன்பு, ஒரு சிறிய ஃபிளாஷ்பேக் போய்வரவேண்டியது முக்கியமாகிறது. நடிகர் ஜீவாவுக்கு ராஜேஷின் சிவா மனசுல சக்தி திரைப்படம் மிகப்பெரிய பிரேக்காக அமைந்தது. சமீபகாலமாக சீரியஸான படங்களில் நடித்துவரும் ஜீவா ராஜேஷிடம், அழகுராஜாவுக்கு அடுத்த படத்தை நானே தயாரித்து நடிக்கிறேன் என்று உறுதிகூறி காத்திருந்தார். இப்போது நடப்பிற்கு வருவோம். அழகுராஜா ரிசல்டால் குழப்படைந்த ஜீவா அடுத்த படத்தை தயாரிக்க வேறு தயாரிப்பாளர்களை அணுகி தயாரிக்கும்படி கேட்டிருக்கிறார்.
இதையறிந்த ராஜேஷ் ஜீவாவுடனான கனெக்ஷனை துண்டித்துவிட்டு, ஆர்யாவை வைத்து படமெடுக்க முடிவு செய்துவிட்டாராம். ஆர்யா சந்தானம் ராஜேஷ் ஆகிய மூவரும் இணையும் இத்திரைப்படத்தை ஆர்யா தான் தயாரிக்கிறாராம். மற்றவர்களைப் போல் இல்லாமல் எந்த பிரச்சனையிலும் தயாரிப்பாளர் பதவியிலிருந்து விலகமாட்டேன், உங்கள் மேல் நம்பிக்கை இருக்கிறது என்று ஆர்யா கூறியதால் இந்த கூட்டணி உருவானதாம்.
0 comments:
Post a Comment