இயக்குனர் ராஜு முருகன் இயக்கத்தில் உருவாகியிருக்கும் குக்கூ திரைப்படத்தின் இசை வெளியீட்டு விழா நேற்று நடைபெற்றது.
இவ்விழாவில்
கலந்துகொண்டு இசைத்தட்டினை வெளியிட்ட கமல்ஹாசன் தொடர்ந்து பேசிய போது தான் உத்தம வில்லன் ஷீட்டிங் லொகேசன்களைப் பார்த்துவிட்டு வருவதாகக் கூறியிருந்தார்.
உலக நாயகன் கமல்ஹாசன் எழுதி, இயக்கி, நடித்துவரும் விஷ்வரூபம் 2 திரைப்படத்தின் பணிகள் நிறைவடைந்த பின்னர் கமல்ஹாசன் உத்தம வில்லன் திரைப்படத்தில் நடிப்பார் என்று ஏற்கெனவே அறிவிக்கப்பட்டிருந்தது.
எனவே உத்தமவில்லன் திரைப்படத்தின் படப்பிடிப்புத் தளங்களைப் பார்வையிடச் சென்றதாகக் கூறியதிலிருந்து விஷ்வரூபம் -2 திரைப்படத்தின் அனைத்து வேலைகளும் நிறைவடைந்திருக்கலாம் என்று ரசிகர்கள் பேசிவருகின்றனர்.
கடந்த ஆண்டு வெளியாகி மாபெரும் வெற்றிபெற்ற விஷ்வரூபம் திரைப்படத்தின் தொடர்ச்சியான விஷ்வரூபம் -2 திரைப்படம் தமிழ், தெலுங்கு , ஹிந்தி மற்றும் பல்வேறு மொழிகளில் வெளியாகவுள்ளது.
விரைவில் இப்படத்தின் இசை வெளியீடு நிகழுமென்றும், ஏப்ரலில் இப்படம் வெளியாகலாம் என்றும் கூறப்படுகிறது.
0 comments:
Post a Comment