சிம்பு - ஹன்சிகா இணைந்து நடித்துவரும் வாலு திரைப்படத்தின் ஆடியோ வெளியீடு காதலர் தினமான இன்று வெளியாகும் என்று அறிவிக்கப்பட்டிருந்தது. ஆனால் இசைத்தட்டுக்கள் வெளியிடும் உரிமையைப் பெற்றுள்ள சோனிமியூசிக்சௌத் நிறுவனம் இப்படத்தின் இசையை வெளியிட இன்னும் சில நாட்கள் அவகாசம் கேட்டிருப்பதால் இப்படத்தின் இசை வெளியீடு அறிவிக்கப்பட்டபடி இன்று வெளியாகவில்லை.
இப்படத்தின் இசை வெளியீட்டுத்தேதி அறிவிக்கப்பட்டபோதே தனுஷின் வேலையில்லாப் பட்டதாரி இசை வெளியீடு நடைபெறும் அதே நாளில் சிம்புவின் வாலு திரைப்படத்தின் இசையும் வெளியாகவுள்ளது குறித்து ரசிகர்கள் மகிழ்ந்திருந்தனர். சிம்பு கூட தனது டிவிட்டர் பக்கத்தில் தனுஷிடம்
போட்டி போடலாமா என்று விளையாட்டாகக் கேட்டிருந்தார். ஆனால் இன்று இப்படத்தின் இசை வெளியீடு நடைபெறாததால் சிம்பு ரசிகர்கள் பெரும்
ஏமாற்றத்தை அடைந்துள்ளனர்.
நிக் ஆர்ட்ஸ் எஸ்.எஸ்.சக்ரவர்த்தி தயாரித்துவரும் வாலு திரைப்படத்தினை அறிமுக இயக்குனர் விஜய் சந்தர் இயக்கிவருகிறார். தமன் இப்படத்திற்கு
இசையமைத்துவருகிறார். இப்படம் வருகிற மே 1 அன்று வெளியாகும் என்று அறிவிக்கப்பட்டுள்ளது.
0 comments:
Post a Comment