கடந்த நாடாளுமன்ற தேர்தலில் தென் சென்னை தொகுதியை திமுக இழந்தது. அதிமுக வெற்றி பெற்றது. இந்த முறை எப்படியாவது இங்கு வெற்றி பெற வேண்டும் என்று திமுக திட்டமிட்டுள்ளது.
தென் சென்னை தொகுதியில் பிரபலமான வேட்பாளரை நிறுத்தினால் திமுகவுக்கு வெற்றி வாய்ப்பு அதிகரிக்கும் எனவே, நடிகை குஷ்பு வேட்பாளராக நிறுத்தப்பட்டால் மற்ற கட்சி வேட்பாளர்களுக்கு சரியான போட்டியாக அமையும் என்று கட்சி கருதுகிறது.
எனவே, தென் சென்னை தொகுதி திமுக வேட்பாளராக குஷ்பு நிறுத்தப்படுவார் என்று பரவலாக பேசப்படுகிறது. திமுக மாநாட்டில் குஷ்புவுக்கு பேச வாய்ப்பு வழங்கப்பட்ட போதே அவருக்கு தென் சென்னை தொகுதி உறுதி என்று திமுகவினரே பேசிக் கொண்டனர்.
தென் சென்னை தொகுதியில் முன்னாள் சபாநாயகர் ஜெயக்குமாரின் மகன் ஜெயவர்தன் அதிமுக வேட்பாளராக அறிவிக்கப்பட்டுள்ளார். பாரதீய ஜனதா சார்பில் இல.கணேசன் இந்த தொகுதியில் போட்டியிடுவார் எனத் தெரிகிறது.
0 comments:
Post a Comment