அஜித்தின் அடுத்த படத்தில் நடிப்பதாகச் சொல்லப்பட்ட அனுஷ்கா இப்போது அவருடன் நடிக்கவில்லையாம்.
‘வீரம்’ படத்தின் வெற்றியை அடுத்து அஜீத், கெளதம்மேனன் டைரக்ட் செய்யும் புதிய படத்தில் நடிக்க உள்ளார். கௌதம் டைரக்ஷனில் அஜீத் நடிக்கும் முதல் படம் இதுவாகும்.
சில ஆண்டுகளுக்கு முன்பு கெளதம்மேனன் படத்தில் அஜித் நடிப்பதாக இருந்தது. ஆனால் இருவருக்குமிடையே ஏற்பட்ட கருத்து வேறுபாடு காரணமாக அந்தப்படம் நிறுத்தப்பட்டது. இப்போது சில வருடங்கள் இடைவெளிக்குப் பிறகு அஜித்துடன் மீண்டும் கெளதம்மேனன் இணைந்திருக்கிறார்.
பணப் பிரச்சனையில் சிக்கி திண்டாடும் கெளதமுக்கு உதவும் விதமாகவே அஜீத் தானாக முன்வந்து இந்தப் படத்தில் நடிக்க ஒப்புக் கொண்டாராம். இதனால் சந்தோஷமாக இருக்கும் கெளதம் இப்படத்தின் வேலைகள் முழு வீச்சில் செய்து வருகிறார்.
கெளதமுக்கே உரிய ஸ்டைலில் இந்தப்படம் தயாரிக்கப்பட இருப்பதால் மேக்கப் மேன், டான்ஸ் மாஸ்டர்கள், என எல்லா டெக்னீஷியன்களையும் ஹாலிவுட்டிலிருந்து கூப்பிட உள்ளனர்.
மேலும் அஜீத்தும் தனது சால்ட் அண்ட் பெப்பர் ஹேர்ஸ்டைலை இந்தப் படத்துக்காக மாற்றி இளமையாக காட்சியளிக்க உள்ளார். இதற்காக தினமும் ஜிம்மில் பல மணி நேரம் உடற்பயிற்சியும் செய்கிறார்.
இதில் அஜீத்துக்கு ஜோடியாக முதலில் அனுஷ்காவைத் தான் கமிட் செய்தார் கெளதம். ஆனால் அவர் கொஞ்சம் ஓவராகவே உடம்பில் வெயிட் போட்டு விட்டார். இதனால் அவருக்கு பதிலாக மும்பையிலிருந்து புதுமுக ஹீரோயினை தேடி வருகிறார்கள்.
0 comments:
Post a Comment