‘கற்றது தமிழ்’ படம் மூலம் சிறந்த இயக்குனராக அறிமுகமானவர் ராம். இவர் சமீபத்தில் அப்பா-மகள் இடையே உள்ள பாசத்தை மையப்படுத்தி ‘தங்கமீன்கள்’ என்ற திரைப்படத்தை இயக்கி வெற்றிகண்டார். அடுத்து ‘தரமணி’ என்னும் படத்தை இயக்கி வருகிறார்.
இப்படத்தை ஜே.எஸ்.கே. பிலிம்ஸ் கார்ப்பரேஷன் நிறுவனம் தயாரிக்கிறது. புதுமுகம் வசந்த் ரவி நாயகனாகவும், ஆண்ட்ரியா நாயகியாகவும் நடிக்கின்றனர். யுவன் சங்கர் ராஜா இசையமைக்கிறார்.
இப்படத்தில் ஆண்ட்ரியா, ‘தி சோல் ஆப் தரமணி’ என்னும் பாடலை எழுதி இசையமைத்து அவரே இந்தப்பாடலை பாடியுள்ளார். இப்பாடலின் இசைத்தட்டை உலக நாயகன் கமல் ஹாசன் நாளை வெளியிடுகிறார். மேலும் ‘தரமணி’ திரைப்படத்திற்கான காட்சி புத்தகத்தை இயக்குனர் இமயம் பாரதிராஜா வெளியிடுகிறார்.
0 comments:
Post a Comment