இளைய தளபதி விஜய் - ஏ.ஆர்.முருகதாஸ் இணைந்து பணியாற்றிவரும் படத்தின் படப்பிடிப்புகள் கடந்த ஒரு வாரமாக சென்னை விமான நிலையத்தில் நடைபெற்றுவருகின்றன.
இப்படத்தின் ஒரு பாடல்காட்சி இங்கு படமாக்கப்பட்டுவந்ததாகவும், இன்றுடன் விமான நிலையத்தில் நடைபெறும் படப்பிடிப்புகள் நிறைவடையவுள்ளதாகவும் கூறப்படுகிறது.
துப்பாக்கி திரைப்படத்திற்குப் பிறகு மீண்டும் ஏ.ஆர்.முருகதாஸ் இயக்கத்தில் விஜய் நடித்துவரும் திரைப்படமான இப்படத்தில் விஜயின் ஜோடியாக
சமந்தா நடித்துவருகிறார். இளம் இசையமைப்பாளர் அனிருத் இசையமைக்கவுள்ளார்.
இப்படத்தின் முதல் கட்டப் படப்பிடிப்புகள் கல்கத்தாவில் துவங்கின. வங்காள நடிகர் டோட்டோ ராய் வில்லனாக அறிமுகமாகிறார். மேலும் இப்படத்தில் விஜய் இரட்டை வேடத்தில் நடித்துவருவதாகவும் கூறப்படுகிறது.
லைக்கா புரொடக்சன்ஸ் தயாரிப்பில் இப்படம் உருவாகிவருகிறது. இவ்வாண்டு தீபாவளி வெளியீடாக இப்படம் வெளியாகலாம் என்று எதிர்பார்க்கப்படுகிறது.
0 comments:
Post a Comment