இயக்குனர் லிங்குசாமி இயக்கத்தில் சூர்யா இரட்டை வேடத்தில் நடித்துவரும் திரைப்படம் அஞ்சான்.
இப்படத்தின் படப்பிடிப்புகள் மின்னல் வேகத்தில் நடைபெற்றுவருகின்றன. அஞ்சான் திரைப்படத்தில் சூர்யா ஒரு பாடல் பாடவுள்ளதாகக் கிசுகிசுக்கள் வெளியாகிவருகின்றன.
சூர்யா - சமந்தா இணைந்து நடித்துவரும் அஞ்சான் திரைப்படத்தினை லிங்குசாமியின் திருப்பதி பிரதர்ஸ் நிறுவனமும், யூ.டி.வி.மோசன் பிக்சர்ஸ்
நிறுவனமும் இணைந்து தயாரித்துவருகின்றன.
கடந்த நவம்பர் மாதம் இப்படத்தின் படப்பிடிப்புகள் துவங்கின. மும்பை, புனே ஆகிய இடங்களில்
நடைபெற்றுவருகின்றன.
யுவன் சங்கர் ராஜா இப்படத்திற்கு இசையமைக்கவுள்ளார். இயக்குனர் லிங்குசாமி சூர்யாவிடம் ஒரு பாடல் பாட வேண்டும் எனக் கேட்டுள்ளதாகக்
கூறப்படுகிறது.
ஒருவேளை இப்படத்தில் சூர்யா பாடல் பாடினால் திரைப்படத்திற்காக அவர் பாடும் முதல் பாடலாக அப்பாடல் அமையும்.
பிரபல நடிகர்களான உலக நாயகன் கமல்ஹாசன், விஜய், சிம்பு மற்றும் தனுஷ் ஆகியோர் அடிக்கடி தாங்கள் நடிக்கும் படங்களில் பாடல்களைப்
பாடிவருவது குறிப்பிடத்தக்கது.
0 comments:
Post a Comment