விஜயகாந்த் நடிக்காதது திரையுலகத்திற்கு இழப்புதான்..!

‘விஜயகாந்த் நடிக்காதது திரைப்படக்கல்லூரி மாணவர்களுக்குஇழப்புதான் ‘என்று ஒரு புதுமுக இயக்குனர் தெரிவித்துள்ளார்.

எண்டர் டெய்ன்மெண்ட் அன்லிமிட்டட் சார்பில் சன்ஜய் டாங்கி தயாரித்துள்ள படம் ‘மறுமுகம்‘. திரைப்படக் கல்லூரியின் சீனியர் மாணவர் டேனியல் பாலாஜி முக்கிய கேரக்டரில் நடித்துள்ளார். ப்ரித்தி தாஸ், அனு, ஷில்பி, ரிஷி ஆகியோரும் நடித்துள்ளனர். ப்ரீத்தி உள்பட பலருக்கும் இது முதல் படம் . கமல் சுப்ரமணியம் இயக்கியுள்ளார். இது ஒரு க்ரைம் த்ரில்லர் படம். ‘மறுமுகம்‘ படத்தின் பத்திரிகை ஊடகங்களின் சந்திப்பு ஆர்.கே.வி. ஸ்டுடியோவில் நடந்தது.

படத்தின் இயக்குநர் கமல் சுப்ரமணியம் பேசும்போது,  திரைப்படக்கல்லூரி மாணவர்கள் நாங்கள் முதலில் கதை சொல்ல செல்வது கேப்டன் விஜயகாந்த் அவர்களிடம்தான். திரைப்படக்கல்லூரி மாணவர்கள் எல்லாரது முதல் கனவும் அதுவாகவே இருக்கும். கல்லூரியிலிருந்து வெளியே வந்ததும் செல்லும் இடம் ராஜாபாதர் தெருவாகத்தான் இருக்கும். அவர் திரைப்படக்கல்லூரி மாணவர்கள் பலரையும் இயக்குநர் ஆக்கியவர்.. அப்போது நான் தயாராக இல்லை. நான் இயக்கத் தயாராக இருந்தபோது அவர் அரசியல் என்று வேறு உலகத்தில் இருக்கிறார். அவர் இப்போது நடிக்காதது எங்களுக்கு இழப்புதான்.

‘மறுமுகம்‘ என்பது என்ன என்கிறார்கள். எல்லாரிடமும் பல முகங்கள் உண்டு. சூழலுக்கு ஏற்றபடி அரவரது நல்ல முகமோ கெட்ட முகமோ வெளிப்படுகிறது. அப்படி வெளிப்படும் ஒருவனது மறுமுகம் தான் இப்படம். “ இவ்வாறு பேசினார்.

நாயகி ப்ரீத்திதாஸ் பேசுகையில், “ இது என் முதல் படம். இந்தப் படத்தில் நடித்த அனுபவம் நெருங்கிய நண்பர்களுடன் இருந்தது போல் மகிழ்ச்சியாக இருந்தது. எனக்கு வாய்ப்பு கொடுத்த இயக்குநருக்கு நன்றி“ என்றார்.