பொதுவாக தமிழ் சினிமாவில் யார் படம் எடுத்தாலும் அதன் முழு கதையையும் கூற மாட்டார்கள். கதை பற்றி முன்பே தெரிந்தால் படத்துக்கு எதிர்பார்ப்பு கூடும், அல்லது குறையும், நல்ல காட்சிகளாகவோ ஐடியாவாகவோ இருந்தால் அதை டி.வி.சீரியலில் பயன்படுத்தி விடுவார்கள்.
அல்லது வேறு படத்தில் காப்பி அடித்து விடுவார்கள். அதனால் சிறிய படம் டைரக்ட் செய்கிறவர்கள்கூட படத்தின் முழு கதையையும் சொல்ல மாட்டார்கள். ஷங்கர், மணிரத்னம் போன்றவர்கள் படப்பிடிப்பு நிலவரத்தைகூட வெளியில் சொல்ல மாட்டார்கள்.
டைரக்ட் கவுதம் மேனன் படத்தில் நடிக்கும் ஹீரோவுக்கு கூட முழு கதையும் சொல்ல மாட்டார். டைரக்டர் எஸ்.ஜே.சூர்யா மட்டுமே முழு கதையையும் சொல்வார். கே.பாக்யராஜ் முன்பு தன் படத்தின் கதையை அது படப்பிடிப்பில் இருக்கும்போது ஒரு வார இதழில் தொடராக எழுதினார்.
இப்போது கற்றது தமிழ் ராம் அதையும் தாண்டி படத்துக்கு முன்பே தான் டைரக்ட் செய்து வரும் தரமணி படத்தின் திரைக்கதையை புத்தகமாக வெளியிட்டுள்ளார். இந்த நிகழ்ச்சியில் இன்னொரு சிறப்பும் நடந்தது. படத்தில் ஹீரோயினாக நடிக்கும் ஆண்ட்ரியா தானே எழுதி, இசை அமைத்து பாடிய பாடல் ஒன்றையும் வெளியிட்டார்கள். இதனை கமல்ஹாசன் வெளியிட்டார்.
0 comments:
Post a Comment