ஆனந்த விகடன் இதழில் வெளியாகிவந்த வட்டியும் முதலும் தொடரின் ஆசிரியரும், இயக்குனர் லிங்குசாமியின் உதவி இயக்குனருமான ராஜு முருகன் இயக்கத்தில் உருவாகியிருக்கும் குக்கூ திரைப்படத்தின் இசை வெளியீட்டு விழாவில் திரையுலகப் பிரபலங்கள் பலரும் கலந்துகொண்டனர்.
பாடல்களை உலக நாயகன் கமல்ஹாசன் வெளியிட சூர்யா பெற்றுக் கொண்டார்.இப்படத்தின் ட்ரெய்லரை எழுத்தாளர் வண்ணதாசன் வெளியிட இயக்குனர் லிங்குசாமி பெற்றுக் கொண்டார்.
இவ்விழாவில் பேசிய நடிகர் சூர்யா குக்கூ திரைப்படத்தின் இயக்குனர் ராஜூ முருகனுக்கு தனது படத்தயாரிப்பு நிறுவனமான D2 எண்டெர்டெயின்மெண்ட் நிறுவனத்தின் கதவுகள் என்றும் திறந்தே இருப்பதாகக் கூறியுள்ளார்.மேலும் இப்படத்தின் ஹீரோவான அட்டக்கத்தி தினேஷின் நடிப்பினையும் மிகவும் பாராட்டியுள்ளார்.
மாஸ் ஹீரோக்கள் நடிக்கும் திரைப்படங்களின் ட்ரெய்லருக்குக் கிடைக்கும் வரவேற்பை விடப் பன்மடங்கு வரவேற்பு குக்கூ ட்ரெய்லருக்குக்
கிடைத்துவருவது குறிப்பிடத்தக்கது. சமூக வலைத்தளங்களில் இப்படத்தின் ட்ரெய்லரைக் குறித்து பலரும் சிலாகித்துவருகின்றனர். மனதை மயக்கும் காட்சி அமைப்புகளும், அதற்குச் சரியாகப் பொருந்துப்போகும் இசையும், வசனங்களும் ரசிகர்களின் மனதைக் கொள்ளை கொண்டுள்ளன.
0 comments:
Post a Comment