கமல் நடிக்கும் உத்தமவில்லன் படத்தின் ஃபர்ஸ்ட்லுக் போஸ்டர் வெளியானதும் ரசிகர்கள் மத்தியில் ஆரவாரமான வரவேற்பு.
வித்தியாசமாக இருப்பதாகவும், உலகநாயகன் கலக்கிட்டார் என்றும் கமல் ரசிகர்கள் சமூகவலைத்தளங்களில் புளகாங்கிதப்பட்டுக் கொண்டிருக்கின்றனர்.
ரசிகர்களுக்கு கமல் ஆழ்வார்ப்பேட்டை ஆண்டவர். எனவே அவர் என்ன செய்தாலும் அவரது ரசிகர்கள் கொண்டாடுவதில் ஆச்சர்யமில்லை.
விஷயம் தெரிந்தவர்களுக்குத்தான் தெரியும்.. கமல் ஒரு ‘காப்பி’யத்தலைவன் என்று. அதாவது மற்றவர்களின் சிந்தனையை கூசாமல் களவாடுகிறவர் என்று.
கடந்த காலங்களில் எத்தனையோ வெளிநாட்டுப் படங்களை களவாடி தன் பெயரில் போட்டுக் கொண்ட கமல், உத்தமவில்லன் படத்தின் ஃபர்ஸ்ட்லுக் போஸ்டர் விஷயத்திலும் தன் ‘வேலை’யைக்காட்டி இருக்கிறார்.
Eric Lafforgue என்ற பிரான்ஸ் நாட்டைச் சேர்ந்த புகைப்படக்கலைஞர் கேரளாவில் சுற்றுப்பயணம் மேற்கொண்டபோது எடுத்த புகைப்படத்தை அப்படியே அச்சுஅசலாக காப்பியடித்து உத்தமவில்லன் படத்தின் ஃபர்ஸ்ட்லுக் போஸ்டருக்கு போஸ் கொடுத்திருக்கிறார் கமல்.
படத்தின் தலைப்பில் உள்ள உத்தமத்தை உலகநாயகனிடம் எந்தக்காலத்திலும் எதிர்பார்க்கவே முடியாது போலிருக்கிறது.
0 comments:
Post a Comment