அந்த ஒரு பாட்டுக்கு மட்டும் தான் அப்படி நடிச்ச..மத்தபடி நா அப்படி இல்ல...!

இயக்குனர் லிங்குசாமி இயக்கத்தில் சூர்யா - சமந்தா நடித்துவரும் அஞ்சான் திரைப்படத்தில் சமந்தா கொஞ்சம் அதிகமாகக் கவர்ச்சி காட்டி
நடித்துள்ளதாகக் கூறப்படும் செய்திகளைச் சமந்தா மறுத்துள்ளார்.


திருப்பதி பிரதர்ஸ் மற்றும் யூ.டி.வி.மோசன் பிக்சர்ஸ் ஆகிய நிறுவனங்கள் இணைந்து தயாரித்துவரும் திரைப்படம் அஞ்சான். இப்படத்தின்
படப்பிடிப்புக்கள் மும்பை, புனே ஆகிய இடங்களில் பரபரப்பாகப் படமாக்கப்பட்டுவருகின்றன.


அஞ்சான் திரைப்படத்தில் முதல் முறையாக இணைந்து நடித்துவரும் சூர்யா மற்றும் சமந்தா இருவரும் உள்ள புகைப்படங்கள் இணையத்தில் வெளியிடப்பட்டன.


இப்படங்களில் சமந்தா கொஞ்சம் கவர்ச்சியாக நடித்துள்ளது போல் காணப்பட்டதால், அஞ்சான் திரைப்படத்தில் சமந்தா அதிரடி கவர்ச்சியில் நடித்துள்ளார் என்று செய்திகள் பரவின. ஆனால் சமந்தா இதனை மறுத்துள்ளார்.


அஞ்சான் திரைப்படத்தில் இடம்பெறும் ஒரே ஒரு பாடல்காட்சியில் மட்டுமே தான் கவர்ச்சியாக நடித்துள்ளதாகவும், மற்றபடி தனக்கும் சூர்யாவுக்கும்
நெருக்கமான காட்சிகள் அப்படத்தில் இல்லை என்றும் விளக்கமளித்துள்ளார்.


யுவன்சங்கர்ராஜா இசையமைத்துவரும் இப்படத்தின் பெரும்பாலான படப்பிடிப்புக்கள் நிறைவு பெற்றுள்ளன. வருகிற ஆகஸ்டு மாதம் இப்படம்
திரைக்குவருகிறது.