தமிழகத்தின் மிகப் பிரபலமான தொலைக்காட்சிச் சேனல் விஜய் டிவி. இந்தச் சேனல் நடத்திவரும் ரியாலிட்டி ஷோவான சூப்பர் சிங்கர் நிகழ்ச்சி பற்றி அறியாத தமிழர்களே இருக்கமுடியாது என்ற அளவில் மக்களிடம் பிரபலமடைந்துள்ளது.
கடந்த சில நாட்களுக்கு முன்னர் விஜய் டி.வி.யின் சூப்பர் சிங்கர் நிகழ்ச்சியின் வெற்றியாளர்கள் மற்றும் பங்கேற்பாளர்கள் ஆகியோர் பாடவுள்ள
ஒரு மாபெரும் இசை நிகழ்ச்சி இலங்கையில் நடைபெறவுள்ளதாகத் தகவல்கள் வெளியாகியிருந்தன.
தமிழர்களுக்கு எதிராகச் செயல்பட்டுவரும் இலங்கையில் ஒரு தமிழ்ச் சேனலின் நிகழ்ச்சிகள் நடைபெறுவதா என்று தமிழ்கர்களிடையே பெரும் எதிர்ப்புகள் கிளம்பின. மேலும் விஜய் டிவி தொலைக்காட்சியின் சமூக வலைத்தளப் பக்கங்களிலும் தமிழர்கள் இலங்கையில் நடைபெறும் இசை நிகழ்ச்சியைப் பற்றியும் ,அதனை உடனே நிறுத்த வேண்டும் என்றும் வலியுறுத்தினர்.
ஊடகங்களிலும், நாளிதழ்களிலும் பரவிவரும் இச்செய்தியால் அதிர்ச்சியடைந்த விஜய் தொலைக்காட்சி, தங்களது சேனலுக்கும், இலங்கையில் நடக்கவிருக்கும் இசை நிகழ்ச்சிக்கும் எந்தவித சம்பந்தமும் இல்லையென்று அறிவித்துள்ளது.
மேலும் அந்த விழா ஏற்பாட்டாளர்கள் தங்களது அனுமதியின்றி தங்கள் நிறுவனத்தின் பெயரை வைத்து விளம்பரம் செய்திருப்பதாகவும், அதனை உடனே நிறுத்தவேண்டும் என்றும், மீறினால் சட்டப்படி நடவடிக்கை எடுப்போம் என்றும் எச்சரித்துள்ளனர்.
சூப்பர் சிங்கர் மற்றும் விஜய் டிவி ஆகிய சொற்களைப் பயன்படுத்த விழா ஏற்பாட்டளர்களுக்கு உரிமை இல்லையென்றும், தங்கள் நிறுவனத்தின் பெயர் தவறாகப் பயன்படுத்தப்பட்டுள்ளது என்றும் அறிவித்துள்ளனர்.
சமீபத்திய செய்திகளின் அடிப்படையில் இலங்கையில் நடைபெறவிருந்த இசை நிகழ்ச்சி கேன்சல் செய்யப்பட்டுள்ளதாகத் தெரிகிறது.
0 comments:
Post a Comment